Djingo هو أول مساعد رقمي في المنطقة من شبكة اتصالات، وهو عبارة عن روبوت محادثة مع ذكاء اصطناعي ليساعد عملاء Orange بتزويدهم بمعلومات مباشرة أول بأول عن العروض والخدمات والمنتجات، ومساعدتهم في أي وقت كمان. 

بتقدر تتواصل مع دجينغو من خلال صفحة فيسبوك Orange الأردن من المسنجر، وبيعطيك خيارات وميزات كثيرة بالعربي أو الانجليزي اللي بحكيهم Djingo بطلاقة.دجينغو كمان بتعلم من المحادثات بينكم باستمرار ليقدم لك خيارات وميزات جديدة دايماً. 

بقدر Djingo كمان يجاوب استفساراتكم عن تغطية شبكة الفايبر، وموقع وساعات عمل أقرب متجر Orange، بالإضافة لتزويد الدعم. إذا Djingo ما قدر يساعدك أو يوفرلك حل مناسب، ء بحوّل طلبك بكل سهولة لواحد من موظفين خدمة العملاء. 

Djingo هو نتيجة التعاون المشترك مع Arabot ، واحد من المشاريع الناشئة في BIG Season 3 . 

ميزات Djingo روبوت Orange للمحادثة 


  • Djingo بفهم عربي و إنجليزي، وبستعمل محرك Arabi NLP مع "التعلم الآلي" ليوصل للمستوى المطلوب من فهم اللغة بشكل طبيعي
  •  موجود بكل وقت ليعطي معلومات عن عروضنا وخدماتنا ويجاوب على الاستفسارات 
  • عن طريق الفيسبوك ماسنجر، دجينغو بيعمل سلسلة محادثات مباشرة معك (واحد-لواحد) لتجربة مختلفة مصممة بحسب الشخص، وبكون متوفر على القنوات الثانية قريباً. 
  • Djingo  بتعلّم وبطوّر مهاراته باستمرار، يعني بقدّم مميزات وخيارات جديدة دايماً، وبكل محادثة بتكون بتشارك بتطوره. 

كيف بشتغل؟ 


باستعمال تليفونك الذكي، إفتح تطبيق الماسنجر 

  • اكبس على تاب "أشخاص" بآخر الصفحة تحت. 
  • اختار "امسح كود الماسنجر" وقم بمسح هذا الكود. 
  •  صفحة Orange الأردن على الماسنجر بتفتح، وDjingo برحب فيك بمجموعة من الرسائل بتساعدك تمشي بالمحادثة معه. 

أو
  • أو أدخل على صفحة أورانج الأردن على الفيسبوك وإكبس على "رسائل" وتبدا بالمحادثة مع دجينغو مباشرة.
تصفح القائمة الرئيسية 

تصفح القائمة الرئيسية  القائمة الرئيسية بتيجي بعد الرسائل الترحيبية، وفيها قائمة بأكثر أشياء ممكن تحتاجها مثل أقرب متجر أورانج عليك أو أجدد عروض. 

في أي وقت خلال المحادثة، بتقدر تكتب "القائمة الرئيسية" ودجينغو برجع ببطلّعها ليساعدك. 

إعرف أكتر عن موضوع معين 

إذا بتتصفح موضوع معين من خلال القائمة الرئيسية، فايبر مثلاً، راح تلاحظ إنه فيه عندك قوائم فرعية بتساعدك تعرف أكتر عن الفايبر، مثل العروض، والتغطية، والجوائز وغيرها من الأمور المتعلقة بالخدمة. 

إذا دخلت على وحدة من خيارات القائمة الفرعية مثل العروض مثلاً، بتقدر تطبع "فايبر" حتى دجينغو يرجعك للقائمة الفرعية لتعرف أكتر عن الخدمة. 

عندك سؤال؟ 

إذا عندك سؤال، مثل إذا بدك تعرف شو أحدث الأجهزة في متجرنا الالكتروني، بتقدر توجه سؤالك لـ Djingo وهو بمشي معك بخطوات وخيارات سريعة لتوصل للجواب المناسب. 
في أي وقت خلال المحادثة، بتقدر تحوّل لغة Djingo بأنك تكتب "عربي أو English" 

مواجهة مشكلة / التحويل لموظف 

إذا كان عندك مشكلة بخدمات Orange، بكل بساطة اكتب "خدمة العملاء" أو "مشكلة". Djingo بسألك بعض الاسئلة حتى يفهم المشكلة بشكل أحسن، وبعدها بكل سهولة بنقل المعلومات لأحد موظفين خدمة العملاء ليساعدك. بعد تسجيل مشكلتك، بنحولك لـ Djingo تكمّل حكّي معه. 


التواصل عبر خدمة دردشه

مرحبا بك في خدمة الدردشة من اورانج .
تتيح لك خدمة الدردشة التواصل مع موظفي خدمات المشتركين للحصول على المساعدة إذا كنت ترغب في التواصل مع احد موظفينا اضغط على " البدء بالدردشة" .

بدء الدردشة